Hvað ef hann hefði drepið?

Aðeins meira um baráttu sem skiptir máli og baráttu við vindmillur.

Að mínu mati er æsingur eins og hennar Guðbjargar bara sefasýki og afvegaleiðing frá hlutum sem skipta máli.

Hvernig væri til dæmis að fókusera meira á þær afleiðingar sem það hefur í för með sér að misnota börn? Þá meina ég ekki fyrir börnin, heldur þá sem glæpinn fremja.

Í dag las ég frétt um gamlan karl sem misnotaði barnabarnið sitt. Hann var mjög andstyggilegur og fór langt yfir öll mörk. Dómurinn fyrir glæpinn varð 15 mánuðir, þar af 12 á skilorði af því "greyið" maðurinn var orðin 75 ára?? Hvað ef hann hefði nauðgað ungum karlmanni? Hvað ef hann hefði drepið einhvern? Hefði þá dómurinn verið mildaður „af því hann er 75 ára“?

Doktor Guðbjörg "klámsérfræðingur" ætti frekar að nota orkuna og menntun sína til að vinna að því að menn sem svona gera fái harðari refsingar... því þannig átta þeir sem ætla sér að fremja slíkt brot sig kannski á því að hefur AFLEIÐINGAR fyrir þá sjálfa...

Þessir glæpamenn eru hvort eð er svo óhugnarlega sjálfhverfir að það kemur þeim ekkert við hvaða afleiðingar gjörningurinn hefur á fórnarlambið. Þeir sjá það ekki og réttlæta glæpinn í hausnum á sér eins og ALLIR aðrir glæpamenn gera. En af hverju þeir fá svona væga dóma (sem varla er hægt að kalla dóma)... það get ég ekki skilið... og enginn sem ég hef talað við heldur.

Ég skil ekki af hverju þessi glæpur er talin svo léttvægur af þeim sem eiga sjá um að dæma glæpamenn. Glæpur er bara glæpur. Þeir sem fremja þá, finna réttlætingar fyrir þeim. Þeir skilja ekki hvað má og hvað má ekki. Eða hundsa það. En ef orsakasamhengið væri þannig að allir vissu að ef þeir gera A þá er afleiðingin B (líkt og belja sem gengur á rafmagnsgirðingu)... þá myndi þetta kannski minnka því þeir skilja jú ekki fyrr en skellur í tönnum og svona lagað eiga menn vissulega ekki að fá að komast upp með, sem þeir gera... þegar afleiðingin sem þeir skilja er ekki annað en sumarfrí á Kvíabryggju og smá aukavinna.

Dr. Guðbjörg... ÞETTA skiptir máli. Smáralindarforsíðan gerir það EKKI.

Athugasemdir

[blackboard, 8.3.2007 kl. 14:36]

Að mínu mati skipta bæði þessi atriði miklu máli! Ég er ekki hrifin af Betty Page lookinu á barninu, mér þykir myndin ónáttúruleg á margan hátt (eins og svo margt annað í auglýsingaheiminum) og bera með sér undarleg skilaboð til fermingarbarna. Ég tel að öll umræða um þessi málefni sé af hinu góða, hversu öfgakennd sem hún kann að vera.